馮德倫呢日現身台灣出席籌備多年嘅動漫計劃宣傳活動，相隔26年再出新歌，搵嚟老友陳奕迅（Eason）拍短片造勢，勾起觀眾對《老馮日記》嘅集體回憶呀！
馮德倫笑指影片嘅畫面最有趣係真人真事，佢多謝Eason幫忙，當日係邀請Eason去屋企食飯，講起自己要唱呢首歌，等Eason畀啲意見，而聽歌嘅動作真係Eason教嘅。
太太舒淇早前喺香港電影導演會年度頒獎典禮獲頒「新晉導演」，呢次馮德倫會唔會邀請太太跨界獻聲唱吓歌，馮德倫笑笑口稱老婆唔太唱歌，暫時亦冇打算兩公婆合唱，仲讚老婆唱歌比佢高分，目前舒淇好認真做導演，唔好煩住老婆呀，又指舒淇今個生日月應該要開工。
馮德倫同吳彥祖當年拍同志電影《美少年之戀》，憑此片人氣急升，兩人顏值至今無人能超越，馮德倫自稱係「耽美老祖宗」，再同吳彥祖拍BL片續集就冇人睇，仲話當年出呢套戲票房唔好，但係會引起迴響。