嚟緊六月將會喺紅館舉行30周年演唱會嘅 陳曉東 呢日作客《J Music》，東東除咗帶咗耳熟能詳嘅舊歌好似《水瓶座》、《一萬年》比大家聽之外，呢次上嚟佢亦為大家送上新歌《今天我們都會飛》，東東話呢次上節目，真係好輕鬆，尤其佢話自己好鐘意唱Live。
距離開演唱會仲有一段時間，東東話呢排都密鑼緊鼓籌備中，希望帶比歌迷驚喜，佢話舞台除咗會重新搭建之外，仲會考慮叫唔叫埋囡囡上台，不過，佢話而家尚係未定好rundown，所以都未落實住。
開騷前，少不免都要操下體能，好彩東東唔係臨急抱佛腳型，佢話時間平時都有練開，至於會唔會騷肌大派福利？東東就話唔好講笑喎。
《J Music》星期六晚 21:30 翡翠台