XiX 呢日作客經理人 Eric Kwok 主理嘅節目《唱錢》，雖然係半個主場，不過Eric Sir就非常公正，絕無放水。不過幾位成員進行時，就化身為應援團長打氣非常落力，但係事前佢哋一齊受訪，Eric Sir連打氣說話都唔講，呢啲就正式係平時板起面孔嘅嚴肅爸爸一樣口硬心軟喇。
雖然XiX身為歌手唱跳皆能，不過呢日面對節目嘅音準系統就指非常緊張，仲非常擔心連累隊友攞唔到獎金，仲互相讚大家嘅唱功係隊中希望呀。Charlotte仲指自己花大量時間備戰練歌，連沖涼時間都唔放過呀。
《唱錢》星期六晚 20：30 翡翠台