一部橫跨8、90年代到2000年代初期嘅香港電影，以UFO傳說帶出唔少昔日情懷，呢部已拍竣多年嘅新片網上口碑一致讚好，早前戲中兩位演員 衛詩雅 同 黃又南 接受《StarTalk》 王鎮泉 專訪，分享對戲中舊香港嘅睇法。
近年香港轉變甚鉅，又南就覺得整個世界都有極大轉變，但係大家都一樣積極生活，令佢認為自己都要正向面對生活。而Michelle當中一幕親熱戲，就令帶同老公入場欣賞嘅佢非常尷尬，仲伸手遮住老公雙眼。
又南片中角色非常開朗豁達，但與爺爺老戲骨 盧海鵬 合作就令佢非常深刻，其中一場靈堂戲同離別戲更令佢非常深刻。取景於即將重建嘅華富邨，加上傳說當區居民曾目擊UFO出現，都市傳說當然掀動人類嘅好奇，兩人一提起就非常雀躍，亦同時相信外星人命嘅存在，Michelle仲識得分辨外星人嘅方法。
有人認為心中就係宇宙，亦有人覺得幾多歲心中仍有童真。又南同Michelle就認為，自我心中嘅信念比人云亦云更重要。又南與天佑於呢套電影中最後合體，雖然大家都覺得非常可惜，佢亦指SHINE他日重組嘅可能性仍然存在，只係目前各有發展。
又南同Michelle於圈中都出名係圈中愛學嘢，大家都知又南車牌極多，而Michelle亦同樣瓣瓣精，數極都未數完，藝人Slasher佢哋都應該係男、女子組冠軍喇。