《中聲3》唱將 劉曉昆 首次舉行粉絲聚會，一眾中聲戰音現身撐場，當昆昆喺台上獻唱時，劉洋就充當舞蹈員上台伴舞，令全場High爆。活動上，昆昆悉心安排咗好多環節，又同大家重溫參賽《中聲3》時嘅難忘片段。
落手落腳籌備聚會，昆昆直認好麻煩，又話參賽之後，身邊朋友同粉絲都叫佢搞聚會，結果相隔一年多先首次舉行。好友陳溢光爆料話昆昆首次聚會，只邀請最好朋友出席，此話一出，頓時令昆昆尷尬話：「我冇叫朋友嚟，但係身邊朋友好好，見到有呢個活動都主動話嚟支持。」
為咗令大家聽到多啲唔同嘅歌，昆昆話喺歌單度都花咗心思，挑選一啲喺賽事中未有獻唱過嘅歌曲。講到翟威廉嘅現身，原來因為昆昆經常幫襯翟威廉買酒，所以翟威廉今次就為大客昆昆擔任司儀。
