山下智久再演正直地產Sales 原班人馬演電影自爆屬桑拿精

日本男神 山下智久 日前同 福原遙 泉里香 等為佢哋參演；改編自著名漫畫嘅劇集電影版宣傳，今次繼續扮演主角永瀨財地嘅山P，角色被怪風吹過後唔識再講大話。呢日佢就提到現實生活中，自己因為成日要周圍飛，所以自己最注重係住宿地點有冇得焗桑拿，認為出身汗可以令自己更精神，直認自己係一名桑拿精咁話。

講到日本浴場係公共空間，唔少叔叔都同佢一樣非常鍾意浸浴放鬆疲勞，山P就指如果被認出就一樣會照泡可也，大家一齊享受Me Time喎。

呢次係原班人馬再次合作，各演員都話好似重回年前拍劇時一樣，山P仲大讚福原遙一樣溫婉令人放心，泉理香仲指山P同昔日一樣有型呀。