以少年犯為主軸嘅律政劇《正義女神》熱播當中，其中近日播出「離島三害案」中， 蔡景行 劉頌鵬 同 劉俊亨 三位年青人因為金錢而對 林智樂 謀財害命，手法極其殘忍，而Felix更公開自己要連續兩次被活埋，既辛苦又緊張嘅幕後花絮。
於離島早已聲名狼藉嘅幾名惡少，竟然兇殘到連同學都唔放過，早前佢哋公開拍攝花絮，雖然鏡頭後非常輕鬆，不過Felix就有苦自己知喇。佢話因為劇情講述自己晚上被埋，到早上先被路過途人發現，所以被埋戲份要拍足兩次。
Felix拍完晚上戲份後先「被救出」，再清洗全身再重新整理髮型，雖然搞到耳、鼻、口全部都係泥，不過Felix就指呢次非常滿足，因為一早知道《正義女神》開拍，已經非常希望可以有份參演一角，雖然拍攝當時撞正《聲生不息》演出，所以非常感謝總監製 鍾澍佳 呢次演出機會呀。
《正義女神》星期一至五晚 20:30 翡翠台