小S 徐熙娣 經歷大S病逝嘅喪姊之痛，停工超過一年，日前終於正式回歸主持節目《小姐不熙娣》，而佢回歸嘅第一集節目喺6號晚播出，由於擔心重返錄影廠小S會難適應，所以節目組特別安排佢出外景，到訪拍檔派翠克嘅工作室，結果一到現場大批藝人朋友一早已經在場熱烈歡迎，小S即場忍唔住爆喊。
小S一上台就忍不住爆粗，邊喊邊講話：「你們知道為什麼人類會發明髒話嗎？就是因為有太多情緒，不管是悲歡喜樂，我真的好想念大家！」雖然錄影過程幾度情緒崩潰，不過小S話呢個就係最真實嘅自己：「也許你們會不喜歡看到我在螢幕上崩潰大哭，或是在悲傷中還能搞笑，但不管什麼情況，那都是我當下最真實的感受。」真情流露嘅反應，令現場藝人朋友都一齊眼濕濕，而小S回歸首集收視，亦一如外界預期勇奪同時段冠軍。
日前小S細女許老三14歲生日，佢喺社交平台post咗一系列生日相，好多人都大讚許老三越大越靚，完全複製媽咪嘅神韻同氣質，而小S亦留言「恭祝皇后～福泰安康。」展現昔日嘅幽默感。見到小S生活重回正軌，於公於私都開朗唔少，相信粉絲們都可以放下心頭大石。
