《魔音女團》早前有多位女藝人同事參加面試，當中有魔音芊芊「美譽」嘅 郭柏姸 一首跳Tone式《喜歡你》因為表現尚算可以，被班主任 陳潔靈 狠批大失所望，以為會被腦震盪嘅佢指Rosita表現唔錯。
可惜最後16人名單之中，Rosita榜上無名、名落孫山。經過一段時間沉澱，加上幾日假期嘅休養之後，Rosita就決定出身出發再覓理想，於社交平台再拍片公開新環節「姸究柏子」，仲再開金口獻唱，好似誓要精準反擊Miss Chan Chan嘅看輕魔音功力咁。
Rosita翻唱文青女神 雲浩影 嘅《回憶半分鐘》仲令已日漸回暖嘅香港氣溫眨眼回到嚴冬，相信大家都有同感，覺得《魔音》今次走漏眼喇。而錄影時仲有人因為聽到佢歌聲而急迫敲門，希望唔係因為太受刺激而要拘捕Rosita啦。
佢亦預告獻唱片陸續有來，希望大家多多分享想聽咩歌呀，亦可以留言俾意見鼓勵咁話。
