英國殿堂樂隊 Suede 星期六就會喺西九竹翠公園舉行演出，今次亦係佢哋闊別香港10年後載譽歸來。早前低音結他手Matt Osman同鍵琴手Neil Codling接受香港傳媒越洋訪問，佢哋指今次將為大家帶來新專輯同過往30年嘅經典作品。
雖然Suede過往曾多次來港演出，不過每次都有賓至如歸感覺。Matt同Neil又話巡唱由英國開始，亦已踏上歐洲，至今各地歌迷都表現瘋狂，亦非常熟悉Sueder嘅作品、不時都全場一齊大合唱。
作為Britpop最具影響力嘅其中一支樂隊，佢哋都好高興Suede嘅音樂影響唔同世代，亦對現今音樂創作發表睇法：「世代不停轉動，今時今日用一部電腦便可以做出一張專輯，取代了一大班樂手進入錄音室夾Band 和造歌的程序及樂趣。但當一羣人聚在一起造音樂，才能有不同的意見和風格，那種多樣化是以一部電腦所做出來的音樂完全不能比擬。」
Suede今次巡迴係配合去年樂隊推出第10張專輯《Antidepressants》而展開，外地多個知名音樂媒體都將專輯選為2025年度其中最佳之一，香港主辦單位更率先公布，香港場將推出獨家限量周邊商品。
