已係兩寶之母嘅日本女神級演員石原聰美，日前為一個飲品廣告拍攝廣告。好多人都話小朋友同動作係最有挑戰性嘅，不過石原就似乎好享受同班小朋友合作喇，仲同佢哋打成一遍玩得相當開心，使拍攝現場笑聲不斷。
呢日石原出席活動時，都有分享自己嘅育兒心得，佢話佢哋屋企有個件無論幾忙、幾冇時間都好，都一定會做嘅事，就係佢哋一定會同小朋友互相凝視，話畀小朋友聽佢有幾重要，石原指小朋友係好單純嘅，只要嗰個人畀佢哋感到信任同安心，佢哋先會肯望住對方，所以呢個凝視時間，無論幾忙都好，佢都會做。
講到比湊小朋友更令佢崩潰嘅事，石原話一定係花粉症，佢話自己真係好唔想將花粉帶返屋企，多麼希望可以返到屋企就直奔浴室，又或者係喺玄關位置放部工業用風機吹走晒身上嘅花粉，但佢話好不幸嘅係，自己返屋企嘅時間通常都係小朋友餓嘅時間，所以只好期望屋企部空氣淨化機可以給力點。
