今個星期繼續由 王鎮泉 為觀眾送上最新電影資訊。剛剛過去嘅呢個星期，對於動漫迷同一眾文化潮人嚟講真係非常開心，因為喺一個香港大型盛事CON-CON中，雲集咗好多人氣動漫IP，仲有好多日本寫真女星兼cosplayer、歌手等出席演出，當中最令動漫迷興奮嘅，就係主唱動畫《新世紀福音戰士》主題曲高橋洋子，同埋唱《男兒當入樽》片尾曲嘅大黑摩季嚟到現場獻唱，唔好講咁多，即刻帶大家睇下獨家嘅展覽同花絮啦！
本周電影新片速遞：
《戲劇性婚禮》
查理與艾瑪正籌備一場幸福浪漫婚禮，點知一個睇落無傷大雅嘅小遊戲，竟然意外揭發彼此心底嘅黑暗秘密，令一對新人於甜蜜日常中逐漸崩潰。
《飛馳人生3》
亞洲多國聯合發起嘅「沐塵100拉力賽」即將開鑼，中速天梯老總百強，邀請張馳與孫宇強組建拉力國家隊代表中國參賽，多位頂級賽車手亦紛紛加盟，但張馳卻發現，睇落好似順利嘅征途，暗藏住複雜嘅陰謀。
泉叔派福利又返嚟喇！今次我哋同電影《最親愛的陌生人》合作，送出電影換票證，呢部電影由西島秀俊同桂綸鎂主演，只要答啱問題又被抽中嘅十位朋友，就可以得到《最親愛的陌生人》嘅換票証兩張。
問題：電影《最親愛的陌生人》係由邊位影后主演㗎呢？
知道答案嘅朋友記得喺4月9號晚十點至十二點期間，私信到「TVB 娛樂新聞台Facebook專頁」，註明《電影泉攻略·泉叔派福利》，記得十點前send嚟嘅答案係唔算數㗎！
本周票房龍虎榜，截至4月8日中午，第3位《末日聖母號》、第2位《狸想奇兵》、第1位《超級瑪利歐銀河大電影》。
