由禹棹煥、李相二主演嘅韓劇《獵犬》三年前開播大獲好評，而續集就有男神Rain加盟做大反派。呢日喺記招上，Rain就上演一對二嘅戲碼，非常有型！喺劇中，Rain角色係一位地下非法拳賽嘅幕後黑手，充滿邪惡同暴力。
Rain話正因呢個角色無血無淚，所以表現出嚟冇咁難，而自己睇完劇本同導演溝通後亦深深陷入角色，有次喺屋企表現過兇狠，更被老婆鬧咗餐，擔心佢會難以抽離角色。
禹棹煥、李相二呢次再為正義出擊，禹棹煥繼續飾演夢想成為拳擊冠軍嘅年青人，有唔少裸露上半身場口。禹棹煥就話，三年間好努力做運動，當時外表比宜家多13公斤，自己好努力增重到世界冠軍水平，因為第一季都試過增重，所以第二季唔難，只需要做運動就得。
