張繼聰Louis 紀念入行20年開騷，好友森美、王菀之Ivana、古天樂、蔡卓妍阿Sa、曾樂彤、杜德偉Alex 等嚟支持。老婆 謝安琪Kay 帶住囡囡Kaka Ball坐喺頭排睇騷，喺澳洲留學嘅阿仔張瞻突然出現送俾爸爸一個大驚喜。
阿聰話日前因為家中寵物離世，兒子返港送別，開騷前一日已經由家人送到機場上機，仲拍晒片俾佢睇，點知阿仔係同屋企人夾計，匿埋咗喺爺爺嫲嫲房到瞓咗一晚。
喺騷上阿聰挑戰一節長達15分鐘嘅跳唱，事前不斷練習，阿女Kaka Ball細細個已經出戰唔同跳舞比賽，今次仲教返老竇轉頭，教佢有啲位可以放鬆啲效果會更好，仲讚爸爸已經好叻，令阿聰一聽完就知道喺自己喺阿女心目中跳舞係咩層次，笑言本來想喺阿女面前型吓，點知就有啲捉蟲。
