張敬軒 近日接受《文匯報》專訪，除主動請纓擔任正向引導項目導師外，亦自認年前「年輕氣盛」導致言行衝動，部份作品演繹與言論處理不當。佢嘅社交平台更大量取消關注大批藝人，原因未明。
不時支持年輕一輩演藝人，近年被譽為「軒公」嘅 張敬軒 ，接受《文匯報》大篇幅全版專訪，當中提到佢主動向保安局請纓，擔任受修例風波影響青年的正向引導項目導師。佢強調自己並非要「教做人」，而係以過來人身份分享心路歷程，令年輕人感受到社會嘅關懷。
張敬軒於專訪提到今個月就會擔任分享嘉賓，亦會親自帶隊北上內地交流，令香港年輕人親眼見證國家嘅繁榮發展。佢又提到身為為文藝工作者，應該承擔社會責任同傳遞正確價值觀，又希望透過參與呢次項目，消除社會對佢立場嘅質疑。
佢更於專訪中提到，因外界對自己嘅爭議深刻反思，坦言當年因「年少氣盛」，受社會氣氛與情感牽動，導致言行衝動。承認當時對「社會大局」認識並不透徹，未於宏觀視角下看待問題。
張敬軒又提到，過去部份作品演繹方式同言論並不恰當，造成社會大眾對佢嘅誤解與質疑。佢重申自己於內地長大、香港發展，認為自己可以話係大灣區融合嘅代表。對過去令支持者感到困惑嘅行為，表示「深刻反省同後悔」，又承諾未來唔會再犯同類錯誤，希望為年輕一代作正面示範。