IU 邊佑錫 等一眾演員呢日現身新劇記招，新劇以21世紀君主立憲社會背景下，一個有錢女同一位皇子嘅浪漫故事，所以呢日佢哋都以優雅禮服出席活動。
IU同邊佑錫對上一次合作已經係十年前拍攝《月之戀人—步步驚心：麗》嘅事，當時邊佑錫客串飾演IU嘅花心男友，估唔到咁多年後再合作仍然係演情侶，不過邊佑錫就唔係再做出軌男。兩位都好開心可以再合作，IU仲叫邊佑錫要對自己好啲，洗去當年嘅「錯誤」。
邊佑錫同IU作為男、女神級人物，二人組CP真係賞心悅目。同女神拍檔，邊佑錫就覺得壓力唔大，仲好多謝觀眾對佢嘅支持，承諾未來會做得更好。
