4月12號係大馬女神 林明禎 嘅媽媽生日，照過往慣例，林家長女 林詩枝 喺呢日都會於社交平台晒出媽媽嘅美照同片段嚟為媽媽祝賀。不過呢日林詩枝就喺帖文中寫咗一句說話震驚咗唔少網民！
林詩枝上載咗多張林媽媽嘅生活照，當中有佢打高爾夫球嘅相、搭飛機時嘅快照、於生日壽桃前許願相，同埋一張身穿上白色薄紗長袖，透視出黑色內衣與驕人身材嘅池畔照，單是一張池畔照已夠驚艷網民，不過當大家睇到林詩枝喺帖文中寫嘅：「Happy 60 mom! 🎂✨💫💫」一眾網民徹底破防，紛紛留言話點睇林媽媽都唔似60歲，亦有人留言讚：「Happy birthday 女神的女神mummy ❤️」
林媽媽嘅優良基因完美遺傳咗畀兩個囡囡，林詩枝同林明禎都係唔少人心目中嘅女神，其中樣貌甜美、擁有32E上圍與22吋纖腰嘅林明禎，更被封為「真人版娜美」。
