晒女狂魔方力申剪輯愛女版MV 記錄Isla怪趣表情同翻身一刻

方力申自從上年12月中榮升新手爸爸之後就變成「晒女狂魔」，成日喺社交平台update愛女嘅成長點滴。近日小方雖然忙住籌備下個月嘅紅館個唱，以為佢會好忙？但再忙都唔會忽略愛女Isla，由小方最新post嘅短片中可以見到，四個月大嘅Isla已經識得轉身，仲好鍾意踢爸爸，腳仔好有力，似乎遺傳咗爸爸嘅運動天分。

小方以自己嘅新歌《万刀甲》作背景音樂，剪輯Isla嘅成長點滴，仲搞笑話係《万刀甲》MV嘅Isla版，片中Isla又喊又笑，表情又多又精靈，不過無論Isla係咩表情，睇上去都係縮小版小方，兩父女餅印程度絕對可以排名娛樂圈三甲。