呢集《StarTalk》中 潘盈慧 就揭開 熱播律政劇《正義女神》中， 佘詩曼 由新聞女王變身做警惡懲奸嘅法律女神言官，再次同佢合作嘅總監製 鍾澍佳 就指，一次於 Benz雄 屋企飯聚講劇集大綱時，直接打「佘」隨棍上向阿佘提出演出邀請。
佳導指雖然準備時間唔算太充份，不過阿佘已隨時開始構思形象打扮，亦成功搣走Man姐嘅影子，而同阿佘曾經拍檔嘅 譚耀文 亦非常爽快答應演出。
而 陳煒 扮演非常受煎熬嘅一角，加上又係首次同阿佘鬥戲，令經驗豐富嘅佢亦都大叫擔心，除咗對白長又需要非常嚴肅又決斷，亦未諗過外界有咁好反應。至於備受外界注目嘅「高成彬」，佳導曾經多次試鏡，不過一直都未算滿意，最後由入行數年嘅 劉倬昕 跑出，亦成功演活呢個可怕嘅少男角色。阿Sam知道自己嘅角色重要性後，擔心而隨之而來，而身為學霸嘅佢碩士學位就係修讀犯罪學，亦順理成章學以致用加入角色當中喇。
雖然阿Sam演出經驗唔多，但係佳導就用盡方法令佢更投入，順利將高成彬嘅陰沉黑暗一面引發出嚟。 除咗媽咪通水，阿佘亦不時親自指導阿Sam，有視后親自指教令佢代入角色當中，難怪阿Sam會成為劇中最突出嘅一人喇。
《正義女神》星期一至五晚 20:30 翡翠台