一眾演員繼續為熱播嘅《正義女神》宣傳造勢，活動上 譚耀文 同 周嘉洛 宣布劇集收視暫列今年翡翠台之冠，而未能出席嘅言官 佘詩曼 就隔空宣傳，仲聯同大家一齊為佳導 鍾澍佳 慶祝生日。
阿譚劇中嘅囡囡邱天雪涉及校園欺凌案，不過阿譚同阿佘嘅處理手法有好大分歧，飾演天雪嘅 樂珈嘉 都話自己左右做人難，阿譚覺得故事寫得非常立體，而家睇返都覺得好有教育義意。若果現實生活遇到類似情況，阿譚話自己同邱光正一樣，都係愛女深切。
倪嘉雯 飾演嘅Lydia行山後神秘失踪，而呢幕高成彬回味睇返Lydia食咗致敏花生醬嘅辛苦樣，劉倬昕話高成彬咁嘅行徑一定係好享受嗰過程，倪嘉敏話好恐怖，仲話唔知自己會否再出現。
嘉洛喺劇中嘅靚仔法官造型深得大家歡心，佢都話係喜出望外嘅收獲，冇諗過入咗公司十年，終於搵到定位，就係唔多講嘢。佢又多謝一眾演員同幕後成就咗呢個角色。 蔣祖曼 就透露嚟緊有好多精彩案件，仲會有女版高成彬出現。
《正義女神》星期一至五晚 20:30 翡翠台