吳子冲憑劇集《臥底嬌娃》飾演情深嘅阿Sean，未能跟Fish組成CP，令觀眾感到可惜，同時演技獲觀眾大讚，現實中嘅吳子冲早已名草有主。吳子冲噚晚喺社交平台直播跟藝人尹詩沛大方放閃，同網民傾差唔多兩粒鐘。
吳子冲以「特別嘉賓」介紹尹詩沛，二人喺直播頻頻畀心、深情對望，滿佈粉紅泡泡，二人更即場示範演員借位拍Kiss戲，睇到網民情緒激動，仲紛紛送上祝福，讚二人好登對。
有傳吳子冲同尹詩沛於2022年因合作劇集相識，展開地下情約4年，吳子冲曾多次受訪讚尹詩沛三觀正確，二人性格夾得嚟，又有無窮話題，自2023年開始，曾被影到一齊出席圈內人婚宴、一同去日本旅遊等，二人僅宣稱係「最好朋友」，拍拖關係早已係「公開的秘密」。
