呢晚一個慈善晚宴星光熠熠， 胡杏兒 陳展鵬 同 單文柔 夫婦 黎諾懿 周吉佩 同 魏嘉信 仲有 劉洋 同 李金凱 吳若希 ，以及 陳百祥 胡杏秀 夫婦 汪詩詩 汪圓圓 梁敏巧 等都有出席。
近日忙住搬屋嘅煎Pan，就被老婆Phoebe爆佢化身埋裝修真漢子，大讚老公係萬事通，而煎Pan就話係因為細個已經睇住爸爸親手整理屋企小問題，所以自己乜都識少少喇。而Phoebe就一面幸福咁盛讚。
劉洋同金凱出席完晚宴就搭夜機往澳洲登台，明顯清減一截嘅劉洋，仲被老友金凱叫佢到當地先開懷嘆美食，不過劉洋就即時轉話題問金凱有冇帶泳褲，到當地可以齊齊游水，呢對孖寶妙問妙答，仲話要搵個天體沙灘試吓裸泳喎。
而下月將於廣州開騷嘅吉吉，就提起早前到內地宣傳嘅經驗，街頭Busking感覺良好，仲話大灣區大批朋友都認識廣東歌曲喇。而最近不時於大馬拍攝節目同劇集嘅諾懿，就話會把握機會更多同香港觀眾見面呀。
