吳君如 同 陳可辛 嘅愛女 陳是知 眨吓眼就踏入20歲，一對廿四孝嘅父母又點會錯過呢個咁重要嘅日子呢？佢哋專程同囡囡慶祝生日，仲拍片分享呢個溫馨時光，正當大家以為條片應該係佢哋唱生日歌切蛋糕。點知一對父母聽從愛囡鬼馬意思，拍咗一條非常動感又開心嘅短片，足以見證一家人係冇代溝兼非常融洽。
君如亦寫上「Happy birthday to my sweet baby」，Jillian貴為Peter同君如嘅掌上名珠，星二代嘅佢盡得父母演藝細胞，去年考入美國十大學府之一修讀表演科，君如曾經講過愛囡咁生性，自己更加要努力賺錢畀佢交學費。
