陳柏宇 同 符曉薇 自拍拖到結婚，直至現時組成四口之家，兩人嘅相處方式從來未變，一直都係互相取笑添情趣。身為愛妻號兼廿四孝老竇嘅Jason，近日就陪老婆同囡囡以古裝造型影相留倩影。Leanne喺社交平台開心分享一家人嘅相，當中同佢貎似姊妹嘅媽咪亦一齊出鏡。
好好一輯靚相，Leanne就竟以「咩叫着起龍袍唔似太子」為題，仲話就喺佢哋身上見到，佢話：「本身想着到好似皇后咁，點知係妃嬪咋。陳生衣着係錦衣衛，點知着到成個太監咁。好啦，呢個就係一個妃嬪同太監嘅凄美愛情故事。」
除咗一家人三代同堂合照，Leanne又相約一班朋友一齊着古裝影相，佢話成個過程真係好開心：「呢個好好嘅體驗，啲相靚到忍唔住post多次。」
