雲集各地不同界別藝術家演出嘅《國潮·藝見新生》，將於本月17至19日於深圳舉行，大會日前於記者會上公布，活動邀請到柯雨霏、譚永浩、杜小喬、陳慧敏、Cassette卡式帶樂團、唐浩嘉等一眾表演單位，而資深音樂人方樹樑及「微電影之父」何緯豐博士屆時亦會親臨支持。
柯雨霏將會聯同周柏豪、張馳豪及胡子貝，於17日為整個活動打頭陣，自言自己首次「霏出香港」嘅柯雨霏，透露將會獻唱自己的歌曲《直覺型美學》，以及一啲藝術性歌曲。
資深音樂人方樹樑則擔任18號舉行嘅髮型音樂騷嘅音樂總監，並由陳慧敏、杜小喬、譚永浩、唐浩嘉、楊璐和Cassette卡式帶樂團演出。方樹樑表示今次演出係以人生中唔同嘅感情作主題：「我負責用音樂去表達當中的情緒，從事音樂多年，依然對今次演出非常激動與期待。」剛推出新歌嘅唐浩嘉Kiko就話好開心可以同咁多藝人一齊演出，而大會亦邀請咗吳若希為18號擔任特邀嘉賓。
中國著名原創音樂劇《蝶》則為19號嘅壓軸演出，「北京蝶之音樂劇劇團」代表楊璐更由北京抵港出席記者會。而「微電影之父」何緯豐博士擔任是次項目顧問，佢坦言非常感動，今次活動大家互相尊重，投入心力去建構三日嘅演出。
