蔡卓妍首揭聲帶異常遭名醫診斷輕微中風 瀕臨失聲陷十年黑暗期一度想退出歌壇

蔡卓妍（阿Sa）近年愛情事業兩得意，Twins於2024年順利完成世界巡迴共舉行36場演出，阿Sa近日作客老友胡彥斌主持嘅訪談節目，首度揭開深藏長達10年嘅驚悚往事，阿Sa曾面臨極度嚴重發聲困難，瀕臨失聲令阿Sa陷入黑暗期，充滿恐懼與自我懷疑，試過崩潰痛哭，一度想放棄熱愛嘅歌唱事業。

阿Sa深受聲帶受損困擾，曾求助胡彥斌想搵聲樂老師改善唱歌發聲，又四出尋醫，得知自己聲帶結構竟然與常人不同，驚訝發出「yiiii」音，聲帶呈現明顯「一長一短」，有一位名醫為阿Sa診斷後，問阿Sa係咪曾中風，解釋部分輕微中風係冇典型外在症狀，阿Sa猶如晴天霹靂，呢份恐懼讓阿Sa陷入長達10年嘅自我懷疑，每次登台前都必須依賴打所謂「開聲針」強行開聲，勉強維持演出水準。

阿Sa由於聲帶完全唔聽使喚，有啲唱歌部分要轉交畀好拍檔阿嬌，阿Sa亦語帶哽咽，內心充滿愧疚感，呢幾年嚟好幾次演出結束後，阿Sa忍唔住匿喺房內崩潰痛哭，自責辜負買票進場嘅觀眾，「我沒有給到一個很好的演出。」阿Sa曾心灰意冷，想過乾脆退出歌壇。

阿Sa四年前參與綜藝節目《乘風破浪的姐姐3》重新享受舞台，雖然阿Sa目前聲帶未完全恢復至巔峰狀態，內心仍有少許心理陰影，阿Sa豁達地表示唱破音都OK，起碼仲有聲音。，經過時間沉澱，阿Sa近年持續進行聲樂訓練與心態上調整，加上受健身教練男友影響而養成運動習慣，阿Sa嘅聲帶有明顯好轉，迎向健康人生。