現年55歲嘅 黎姿經常被譽為不老傳說，初出道已獲封「愛美神」嘅佢，到參演經典電影《古惑仔》嘅細細粒，都風靡萬千男性。2008年時黎姿全面退出娛樂圈轉型女強人，接手弟弟黎嬰嘅美容事業，婚後生咗三個寶貝女，雖然已經絕跡圈中，但黎姿一臉青春可人嘅樣貎以及富有少女味嘅身材依然成為焦點。
過去嘅復活節長假，黎姿選擇到一個充滿陽光活力嘅地方家庭樂，享受慢活身心，素顏嘅佢更大解放，喺沙灘同泳池都以泳裝同陽光玩遊戲展現美態，依然滲透住當年「愛美神導彈」嘅魅力，身上每一寸肌膚都仍然好緊緻，絕對唔輸蝕比少女們嘅體態，大批網民激讚黎姿保養得好好，又做運動又做Pilates的確係唔同，更令人疑惑嘅係黎姿點樣可以Keep得呢副咁好嘅狀態。
旅程中黎姿同家人慢活，喺度假屋中享受洗滌心靈嘅假期，而且仲品嚐咗好多美食，靚人靚景睇見都令人羨慕，相信呢個小假期足以令黎姿叉足電幸福滿瀉。
