導演 陳德森 同擔任美術總監嘅老友 麥國強 一齊同拍檔開設創意意念公司，兩人聯同其他股東一齊為公司揭幕。Teddy之前公布即將開拍一部戲為「香港動作特技演員公會」籌款，佢話電影預計會喺明年7．1回歸時上映，已一切準備就緒開工，現時正在進行審批中，盼進度良好可以儘快展開，始終剩餘時間唔多，佢哋都非常緊張。
呢個項目對業界工作者極具意義，獲得唔少圈中人一呼百應，Teddy話除咗邀請古天樂、張家輝、吳彥祖同佘詩曼擔任主角之外，仲會有好多重量級人馬會出現喺電影裡面，包括以前90年代經典動作電影演員都會史無前例出現喺電影中，一齊締造經典，Teddy亦鼓勵香港新晉導演創作，一齊為電影業加油。
Teddy同麥國強相識幾十年老友，今次亦會參與電影製作，而佢同Teddy有份合資嘅開公司，雙方會混合一技之長開拓更多可能性。