由多位女藝人同事化身成為練習生以成為女團為目標嘅新節目《魔音女團》，宣佈將由5月4號起正式同大家見面，練習生們首個唱跳MV《Lucky Star》亦正式曝光。
由宣佈籌備一刻已經成為注目焦點，經過一輪面試試音展示舞蹈才華後，16位成員早前正式投入特訓，唔止邀請到韓國偶像學院嘅「最強社長」Yong Heo同名位名師指導，再加上馬天佑負責形象指導、首屆剪裁魔法師冠軍Kev You任服裝指導，仲有美妝指導Cammy為各位練習生改頭換面。
加上助教 冼靖峰、黃洛妍同文佐匡貼身支援，以及經驗豐富嘅「班主任」 陳潔靈 以及 陳奐仁 嘅督促，練習生們唔止於即將會同大家見面，首支唱歌MV亦正式公開喇。
莊子璇、宋宛穎、倪樂琳、喬美莎、李尹嫣、穎喬、俞可程、邢慧敏、倪嘉雯、鄧凱文、王汛文、廖慧儀、蔡華英、陳熙蕊、葉靖儀同盧映彤，經過一段時間訓練，似乎已比試音當日脫胎換骨，想知佢哋由零到自信上台嘅全過程，記得留意節目播出喇！
《魔音女團》5月4號起 星期一至五晚 22:30 翡翠台