陳庭欣 呢日出席一個廚師匯演，身為星級大使嘅佢仲話自己有唔少拿手菜式，仲不時都會入廚招呼吓朋友，又因為家傭姐姐已盡得珍傳，所以最近就比較少會親自落手咁話喇。
近年全心投入Pickle Ball呢個新興運動嘅Toby，早前同波友 關楚耀 飛到北京出戰國際賽，仲有機會同全球頂尖球手切磋，令佢非常開心呀。
Toby話呢次活動仲有傳奇網球明星夫婦 阿加斯 同太太 嘉芙 同場，更有機會交流，令佢更加覺得此行非常充實呀。
而至於阿Bob年初於台慶頒獎禮揚言一定要安排筍盤令佢脫單，Toby就笑指因為忙打波又準備新劇，結果令媒人Bob非常焦急，呢日仲爆對方仲緊張過自己爸爸，話稍候有時間一定會應約呀。