梁家輝憑電影《捕風追影》五度封影帝，佢喺台上感戲電影團隊、經理人及評審等人外，仲有特別多謝家人，兩個寶貝女兒梁穎晨（Chloe）與梁靜儀（Nikkie）、兩位女婿、乖孫孫同太太，講到太太江嘉年包容咗自己44年時，梁家輝更哽咽眼濕濕。
雖然喺台上梁家輝就叫家人唔好打電話畀佢住，不過佢一返到後台，就即刻同家人視像通話，，梁家輝嘅太太、細孖梁靜儀、大孖梁穎晨與女兒Skye，齊齊擠喺鏡頭前為呢位新鮮出爐嘅影帝送上祝福，之後細孖亦將佢哋嘅視像截圖發到限時動態上，配文「永遠是我們的最佳男主角！」、「congrats daddy!!!!」祝賀爸爸再度封帝。
而喺頒獎禮嘅第二日，梁家輝就要離港繼續工作，佢喺出發前就去咗見孫仔、細孖梁靜儀嘅混血囝囝Thibeaux，仲獲得Thibeaux送上香吻為呢位出爐影帝公公加油打氣。
