工藤靜香月初來港後再陪細美訪港 沈月約媽咪邱淑貞聚餐兩代女神同框

月初先陪大女 木村心美 來港出席活動嘅 工藤靜香 ，近日再次來港，不過今次就係同細女光希 一齊，仲同另一對圈中靚爆母女檔 邱淑貞 同 沈月 仲有細妹 沈日 見面，一齊大啖香港點心，席間言談甚歡，仲見到專攻日本娛樂同市場推廣嘅 王友良 現身。

其實上月沈月先到韓國島山，為父親擁有嘅潮牌宣傳，當時Kōki亦應邀到當地出席活動，據報兩人私交不俗，難怪今次Kōki同媽媽來港工作，沈月就變東道主約埋媽咪同老友一齊嘆點心，仲促成港、日兩代女神一齊同框，畫面夠晒夢幻。