台灣藝人小S徐熙娣 近日正式全面復工，並回歸《小姐不熙娣》擔任主持。同小S拍檔多年、被形容係彼此「靈魂伴侶」的嘅 蔡康永 亦為好友擔任一集特別主持人。「康熙」呢次合體充滿感人溫情，小S更對老友講出心底話，令大家都好心痛。
小S喺節目提及大S離世嘅日本之旅，佢落淚話，呢次溫泉旅行係由佢發起，一向怕攰嘅大S亦一反常態堅持成行，而且堅持揀過年期間出行，因為可以遷就小朋友放寒假嘅時間。S媽曾認為過年出行費用昂貴，唔想做水魚而反對，不過最後都被三個囡以「創造回憶」為理由說服成功，可惜最後發生憾事。
小S語帶哽咽亦充滿自責，坦言：「每次想起姊姊，就會覺得當初如果聽媽媽的話不去，是不是就不會發生憾事？」即使S媽叫小S「千萬不要有這種想法。」亦冇辦法減去佢心中遺憾。
蔡康永就話當得知噩耗時，成個腦都係諗住「徐熙娣怎麼辦？她完蛋了。」佢仲話自己喺嗰段時間所做嘅決定同表現嘅關心，都係以「小S處在最壞狀態」作前提去諗。直到喺金鐘獎見到小S嘅表現，先真正放心，因為佢見到小S依然有為觀眾歡笑嘅本能。
