洪永城（Tony）與黃翠如相隔7年再度合體，近日忙於拍攝全新旅遊節目《走過歷史大地》，而洪永城有份參與改編自香港真實奇案嘅《重案解密》目前已喺myTV SUPER嘅YOUKU劇集專區上架。洪永城以往角色都係演搞笑嘅好好先生，今次一改戲路扮演「黑化」執法人員周友禾，仲要兇殘殺現實中嘅老婆梁諾妍（Inez），令觀眾驚訝問點殺得落手㗎!?
睇洪永城「黑化」直接前往myTV SUPER (YOUKU專區)
洪永城早前受訪時以「喪盡天良」形容其角色，而佢飾演周友禾因深陷賭債壓力導致心理扭曲，表面上以偽善面孔進行「完美犯罪」，作案小心謹慎不留痕跡，不僅喺執行職務期間殺人，仲想親手殺害妻子Inez。
好多網民睇完先知Inez係洪永城現實中嘅老婆，畫面見洪永城果斷手起刀落，網民紛紛笑問「洪永城怎麼敢做」、「直頭係殺妻」、「好像進ICU」、「洪永城對老婆在劇裡過了一把生活中不敢的過癮」等，唔少網民話洪永城恐怕返屋企就要跪玻璃或被反殺。
洪永城連日喺社交平台貼出恩愛開工嘅花絮片「補穫」，一時話自己都唔想㗎、 一時又賣口乖話同老婆Inez同一個劇組拍劇好幸福，大曬夫妻恩愛，網民見到呢啲閃光彈都非常受落；另有網民讚洪永城除咗做旅遊節目主持之外，可以多啲接呢類反派角色。
