關嘉敏自從去年參加戀愛綜藝節目《女神配對計劃》後人氣急升，仲首任女一接拍內地短劇《天啊！班主任竟然是武功高強的長公主》。除咗工作機會變多，Carman仲即極參與舞蹈比賽，近日佢就喺社交平台分享一段喺內地參加肚皮舞比賽時嘅短片，唔只服裝妝容吸睛，內容都好好笑。
做開女神嘅Carman啱啱先正式卸任女神，點知就瞬即變成「恐怖姐姐」，化上艷麗濃妝嘅佢行住紅地氈展示身上華麗舞蹈，點知拍拍下片，突然有位小弟弟路過，去年未能於《女神配對計畫》配對成功嘅Carman，見到「超小鮮肉」就即刻雙眼發炵，緊追弟弟唔放，令畫面突變「麻鷹捉雞仔」，弟弟仲被嚇到喪跑，非常搞笑！Carman事後都話：「Sorry貪玩突然間變恐怖姐姐。」希望嗰位被靚姐姐嚇親嘅弟弟唔好有童年陰影啦！
至於Carman嘅比賽成績亮眼，雖然佢只係練咗一個月半月，但喺比賽上竟然連奪兩項冠軍，令佢都好驚喜啊！
