由江美儀以及四位鮮肉主持嘅《試真D》，播出之後討論度持續上升，除咗內容精彩，幾位男主持嘅Body都成為焦點。呢日朱敏瀚、周嘉洛、吳業坤喺宣傳活動齊齊做引體上升展示Man Power。美儀姐更側躺喺做掌上壓嘅三位男士身上，呢一幕真係感到到三位猛男嘅力量。
雖然嘉洛被封為「男版最強Body」，不過佢就好謙唔敢承認，仲話自己喺朱仔隔離真係自恃不如添！ 通常拍飲食節目都會一路拍一路增磅，不過幾位竟然瘦住返香港。嘉洛就話，雖然佢哋食得多，但唔係餐餐都好食，試完發完係伏嘅話就會唔食，好容易會食唔夠嘢。美儀姐就話，雖然開工食嘅未必係好，但收工大家都會搵啲正常好嘢食。
美儀姐不嬲有嗰句講嗰句，佢喺節目中試食中伏都會直接批評，不過就有觀眾唔鐘意佢嘅風格，留言批評仲涉及佢嘅屋企人，搞到美儀姐都要親上火線回應網友。美儀姐都知佢哋嘅位置係喺風口浪尖，而家人係底線，所以一旦冒犯到家人，佢絕對唔會忍。美儀姐都希望大家明白，藝人都係打扮工，拍旅遊節目都係想娛樂大家，唔關屋企人事。
《試真D》星期一至五晚 22:30 翡翠台