入行多年嘅 盧冠廷 憑獨特風格同聲線獨步天下，呢日仲獲電台頒獎禮預先公佈，向佢頒發「金針獎」榮譽，LoLo同結婚三十多年嘅太太 唐書琛 一齊現身接受獎項，仲話今次得獎感受係「無懈可擊」，非常高興努力數十年後得到認同，心情非常之開心咁話。
LoLo接受訪問時話，得知喜訊時心情非常激動，雖然獎項嘉許多年來成就，不過佢就指未來仍會繼續唔同創作，製作更多唔同音樂作品，會繼續向下一個高峯邁進。
雖然已經於樂壇發展多年，不過LoLo就話因為即將開騷，而學唱歌認清自己嘅不足，更發現有唔少地方要學習，最近已開姑以正確方法練聲，好似走入大觀園一樣咁話。
