劉德華落實全新巡迴演唱會 2027年2月起展開內地巡唱

劉德華日前出席活動時，曾透露經已入紙紅館申請今年檔期舉行演唱會，而內容將會是全新製作，兼且已在籌備當中。

正當大家密切期待華仔究竟會同大家過暑假定係聖誕跨年時，今日（22日）一間名為「紅地毯管理有限公司」就發出聲明，表示獲得授權獨家舉辦《劉德華2027年中國內地巡迴演唱會》，聲明中更披露暫時擬定巡演時間為2027年2月至5月份，擬演出城市包括上海、廣州、北京、南京、杭州同成都等六個地點。睇嚟一眾華仔嘅歌迷，可以熱身準備定撲飛兼入場欣賞華仔悉心準備嘅精彩演出。