鄭欣宜自從2023年紅館個唱後一直處於停工休息狀態，雖然去年計劃參與內地音樂節目《歌手2025》全面復工，甚至已經開始拍攝宣傳片。但因為拍攝過程出現意外，據指欣宜因燈光設備意外而受傷，導致肩頸以及耳部出現問題，需要暫停工作進行康復治療，令粉絲都覺得好可惜。
最近有粉絲就喺深圳華強北野生捕獲欣宜，染上一頭金髮嘅欣宜體態清減唔少，亦顯得相當開朗有活力。偶遇欣宜嘅粉絲表示，欣宜全程用風趣幽默語氣同佢傾偈，而且好親切，狀態唔錯，面對簽名、合照等要求都冇托手踭。有網民表示，見到欣宜出現喺內地，就覺得「好像要準備幹什麼似的」，猜測會唔會有可能參與《歌手2026》，圓滿上年因傷退出嘅遺憾，籍節目重返樂壇。
