趙浚承現身歌迷會成立一周年慶祝聚會，Gary唔只唱歌俾大家聽，仲親自落場燒雞翼俾粉絲食！佢大讚粉絲們對自己愛錫有加，經常喺佢唔多自信時提供情緒價值。
至於「中聲4」師弟莫家淦都有嚟玩埋一份，除咗同Gary合唱《Shall We Talk》、《最佳損友》，佢都順便沾下Gary嘅喜氣。Gary就帶動粉絲為Keith加油打氣，令Keith大感窩心之餘，更幽默表示：「好耐冇聽到咁多少女同一時間嗌我個名。」
Gary喺聚會上宣布好消息，就係佢好快會推出一首自己創作嘅全新國語歌，新歌更邀請到為內地男團TFboys寫出紅遍全國嘅《青春修煉手冊》一曲嘅音樂製作人劉佳做新歌監製添。
