侯明昊現身上海出席自己嘅蠟像揭幕儀式，明昊更走近粉絲同大家互動兼合照，現場氣氛熱鬧。活動上明昊同大家分享蠟像製作組為自己採集身體數據嘅過程，佢表示數據係進行分層測量，先做臉型嘅數據掃描，需要戴一個髮套做單獨測量，再逐漸添加髮型、服裝、身體，而喺進行身體測量時更需要裸上半身，在場粉絲聽到時都忍唔住尖叫。
明昊仲為蠟像改名，最初佢諗住取名做「侯明昊上海分昊」，但聽到粉絲熱情俾意見時，佢就話蠟像嘅小名就跟粉絲提議，叫「亮亮」。
今年係明昊出道十周年，可以加入名人蠟像之中都令佢好感恩，佢仲話見到自己嘅蠟像時感到非常震撼，每個細節都可以見到匠心精神，館內每個蠟像都做得好似真人一樣，非常精緻。
