黃子華 聯同一眾演員再次為主演嘅電影慶功，電影有望登上華語電影第三位，為此，子華神為導演 吳煒倫 送上心思禮物，就係佢戲中所用嘅道具打火機真品版。子華神話戲中嘅打火機係平價嘅賀歲版，而佢呢個係真版，亦可以叫導演版：「我哋原本得個賀歲版電影，而家有個正真嘅導演版電影，咁最勞苦功高嗰個，梗係送一個真正嘅版本（指打火機）畀我哋嘅導演啦！」子華仲話希望呢個導演版，能夠更勝之前個毒舌版成績。
吳煒倫望住打火機話意義勝於一切，仲話多謝子華神割愛，因為原來個火機係多年前一位長輩送畀子華嘅，一直珍藏喺屋企。V姐 鄭秀文 因演唱會綵排缺席，子華神隔空表示好掛住V姐，期待老闆再搞多次慶功宴，等埋V姐出席。
