胡美儀現身鬧市作出自己首次街頭Busking嘅演出，佢話成個過程好難忘，相比以往喺紅館、伊館演出，跟觀眾非常近，直接感受到大家嘅反應。
Busking結合獻唱同情緒輔導，美儀姐呢個初次體驗，亦係佢今次最想做到目的。問到為何會啟發到咁做？美儀姐指因為宏福苑事件後，發現社會好多人需要情緒輔導，因為大家有種揮之不去嘅唔開心，希望呢個方法令大家邊聽歌邊有感受。
展開咗首次busking演出，美儀姐會收集大家意見，睇吓會否再做，不過佢就有個願望，希望香港有情緒健康節，因為已經有藝術節、音樂節，若果有咁嘅情緒健康節，就可以讓更多市民了解到相關資訊。
