洪嘉豪下月廣州開騷 盼將音樂帶到更多地方

洪嘉豪呢排認真唔得閒，好似呢日除咗要出席活動擔任一日店長之外，下個月佢亦要去到廣州開騷，嘉豪都話好期待見到當地粉絲，希望自己嘅作品帶去更多地方，亦好開心被更多人認識。

嘉豪早前推出新歌，並以雜誌創刊號形式發行，計劃每出一首歌就出一本雜誌，嘉豪話呢種創新嘅出碟方式都幾具有挑戰，呢個project為期好長，嚟緊仲可以再推出四至五期嘅雜誌，製作過程雖然辛苦，但係好有滿足感，佢仲預告嚟緊雜誌主題係關於儀容上嘅東西。