李連杰63歲正日生日 獲愛女送驚喜展幸福歡顏

國際武打巨星李連杰近年致力行善兼享受生活，即使外界多番評論佢嘅容貎，甚至帶負面嘅報道，李連杰繼續處之泰然，未有因事件影響心情。

26號踏入63歲生日，李連杰選擇享受家庭樂，與家人簡單慶祝，佢分享一條女兒Jada為佢慶祝生日嘅短片，並於帖文中寫上「當你的女兒告訴你相信她時」，李連杰聽從Jada閉上雙眼，然後Jada非常熟練地為爸爸戴上生日帽、點蠟燭同開金色紙炮，呢位武打巨星更被紙炮聲嚇咗一嚇，當佢眼見面前繽紛畫面，即流露出幸福歡顏，非常滿意愛女嘅安排。