劇集《正義女神》今個星期進入結局篇，一班演員們繼續落力宣傳，劇集咁受歡迎，特別推出限量收藏卡等觀眾留念。而喺今個星期最尾一個犯罪故事將會再次掀起劇集高潮，因為高成彬會回歸案件之中，令言官佘詩曼同陳煒鬥得筋疲力盡。
myTV SUPER睇言官高大狀大鬥「法」
講到喺法庭上終極對決，阿佘覺得拍得好爽，因為事前背好嘅台詞可以一次過發揮出嚟，同煒哥好似喺舞台表演一樣。煒哥預告為咗愛兒高成彬，決定向言官繼女邱天雪出手。
馮皓揚同飾演高成彬嘅劉倬昕喺劇中將會有啲嘢發生，而佢哋之間所發生嘅事，更係劇情嘅重大牽引，想知道到底佢哋之間發生咗咩事？就梗係要繼續留意劇情啦！劉倬昕仲揚言自己係高成彬1.0，而馮皓揚只係2.0，所以點都唔夠佢厲害呀。
《正義女神》星期一至五晚 20:30 翡翠台
