周吉佩與吉S粉賀歌迷會三周年 預告廣州個唱歌單全廣東歌

話咁快 周吉佩 嘅歌迷會成立咗3年，吉吉專登抽時間同吉S粉一齊慶祝歌迷會週年紀念，一眾吉S粉貼心咁炮製咗連串驚喜送俾吉吉，估唔到大家獻唱《陪著你走》時就令佢流下男兒淚，吉吉話三年來一直銘記跟大家嘅點點滴滴，感激大家嘅支持。

忙完慶祝活動之後，吉吉好快就要投入準備5月喺廣州開騷，今次嘅rundown係經過吉吉嘅全新編排，因為佢知道當地粉絲好鍾意聽廣東歌，所以預告全晚都唱廣東歌。早前佢北上遊玩同拍片時，發現有唔少市民認得自己，佢都好開心，發覺《中年好聲音》好多捧場客。