韓星華莎賽馬日任嘉賓獻唱 周柏豪西裝造型獲囡囡心心眼

韓國女團MAMAMOO嘅成員華莎 同 周柏豪 接連擔任賽馬日表演嘉賓，華莎一出場就以拿手嘅勁歌熱舞炒熱氣氛，柏豪亦不甘示弱，由台上唱到台下。以白色西裝造型示人嘅柏豪，開心分享愛女為佢嘅造型而心心眼，原來囡囡偏愛佢着西裝，每次見爸爸着西裝都讚靚仔。

許廷鏗Alfred 早前先後整親腳同手，活動上見佢行動自如，康復進度理想。談到好友 鄭欣宜 準備復出，Alfred話自己都係睇新聞先知，因為佢哋私底下好少談及工作，只會講約食飯見面。 

鄧麗欣 近日排忙於籌備畫展，今次因為要義賣籌款，令佢壓力大咗好多，而男友支持方法就係給予佢空間，唔打擾佢，Stephy話因為自己忙起上嚟會唔接電話，而男友早已明白。