炎亞綸現身品牌活動，亞綸同飛輪海舊隊友汪東城嘅不和傳聞傳足多年，更長期被拎去組CP。近期有唔少CP粉喺亞綸同大東嘅社交平台洗版留言，令大東開直播以強硬態度表示不滿。
作為主角之一嘅亞綸，亦罕有回應事件，直指事件有啲過份，相信大東係忍到極限先發聲，而自己則身經百戰，耐受力高啲，不過佢呼籲有特殊癖好嘅粉絲，要有啲分寸，唔好影響其他人生活，因為事件經已影響自己另一半及其他人。
亞綸同阿本雖然已分手，但二人降為朋友後感情仍然深厚，仲一齊拍網上旅遊節目，令唔少粉絲都希望佢地可以繼續合作。亞綸表示會繼續為大家介紹偏僻嘅地方，下一個目標將會係東南亞同東歐等地。
