蔡卓妍（阿Sa）今日宣布再婚，甜嫁細9年嘅健身教練林俊賢，姊弟戀修成正果，一向人緣極佳嘅阿Sa，旋即收到好多圈中朋友留言祝福。
阿嬌鍾欣潼回應傳媒：「恭喜我個最佳拍檔，好開心喺生活中佢終於搵到一個最佳拍檔！由第一日聽佢同我講，我就好激動好感動，而家講番都係好感動，祝佢哋新婚快樂！白頭到老永結同心，快啲生個bb啦！」
其實阿Sa於2019年曾接受二次雪卵，兩次合共雪20粒，期望可以喺10年內使用卵子生BB，指因解凍後存活率只有七成，阿Sa決定雪多啲比較穩陣，仲話或者將來婚後可以自然生育，唔需要動用雪卵，只係為將來婚後做定準備。睇嚟阿Sa今次大方宣布做人妻，連好姊妹都催佢快啲生B，阿Sa身份隨時再升級噃！
